關楓馨即場展廚藝 渴望搵個廚師男友
2024年07月30日 18:24
東網電視
更多新聞短片
![](/hk/bkn/cnt/entertainment/20240730/photo/bkn-20240730182447314-0730_00862_001_01p.jpg?20240730215449)
藝人薛家燕、冼靖峰、關楓馨及阮浩棕等今日(30日)現身電視城,出席無綫全新煮食競技節目《家常便飯爭霸戰》記者會,關楓馨跟兩子更即場炮製蝦仁炒蛋,不過期間明顯雞手鴨腳,還發生內訌,笑料百出。
關楓馨受訪時透露平日也會入廚,因外國留學時要自己煮食,故煮西餐比較拿手,笑指因此剛才示範中餐時有點難度,問到有否曾為男友下廚?她説:「以前都有嘅,依家煮畀爸爸媽媽食。」她表示爸爸關禮傑不會煮食但評語多多,笑指他是一個愛吃又愛批評的「食評家」,她説:「佢試過食媽咪煮嘅嘢然後畀評語,結果激嬲媽咪,媽咪叫佢以後自己煮,哈哈!(爸爸冇煮過嘢你食?)佢最豐盛嘅係煮咗碗麵加煎蛋同芝士畀我。」問到若將來有男友會否禁止對方入廚房?她笑指反而應該找個廚師男友,讓自己可以大飽口福。
至於薛家燕就表示因幾歲便入行,直到20多歲拍拖時才找時間去學烹飪,稱師承名廚李曾超群。不過透露最初整蛋糕時,蒸了7次還是變成薄餅,又指之後也學了其他菜式,包括親手燒燒臘。問到仔女有否試過為她下廚?她指仔女在幾歲時,在母親節時試過為她入廚氹她歡喜:「返到屋企見到個大煲,一打開成煲都係燕窩,原來佢哋攞我嗰幾盒燕窩去煮,啲燕窩煮晒喺度,見到佢哋好有我心,知我鍾意食燕窩,但都唔係成盒咁煮㗎。」她指之後將整煲燕窩放入雪櫃,每日只吃一兩口吃足整個月,笑言邊吃邊肉赤,因該煲燕窩價值約10萬元,但幸好燕窩是贊助商送給她,又笑指之後有幾個月不敢食燕窩。