張繼聰自爆打籃球咬斷脷　積極備戰落場較量

藝人張繼聰乃籃球熱血份子，近日擔任「2024中國香港國際籃球邀請賽」活動大使，更將於9月落場作賽，正於馬來西亞拍攝新片的他，亦有抽空備戰，阿聰直言對賽事十分期待，望藉著今次比賽與各國籃球精英交流，更說：「今次參加邀請賽的球隊來自世界不同地區，實力非常高，礙於平時未必有機會經常看到他們比賽，所以我特別興奮，香港甲一球隊亦係我一直以來最關注，過去睇過唔少次甲一比賽。今次真係好想睇吓，究竟香港球隊嘅水準放在亞洲級數球隊當中會係點。」

對於活動設有本地學生與海外球隊交流，阿聰回想當年打籃球是沒有太多機會接受正規訓練，反而現今小朋友幸福得多，很多機會接受訓練，培養出很多有實力的籃球隊，直言如果自己是小朋友亦會參加，可以近距離和職業球員交流，對增進球技有很大幫助：「我好細個就參加籃球比賽，直至30幾歲仲打緊波，十幾年前仍然參加一啲業餘比賽，所以籃球比賽對我來說全部都係快樂回憶，最經典的一次受傷經歷，就係咬斷舌頭去醫院縫針，回想起來都係一些青春印記。」