星玄｜馮盈盈谷胸騷深長事業線　網民心心眼大呼：女神

今日係7月31日農曆六月廿六，幸運星係雙子座，迎來風平浪靜的一天，要懂得感恩同知足。雙子座嘅馮盈盈喺今個月初，突然喺社交網上載多張婚紗相，搞到唔少好友同網民，都估佢係咪閃婚，但原來佢只係做嘢，仲大爆當日嘅攝影師，見到佢呢一身低胸深V白裙配上鮮花嘅造型，十足花女一樣，一句嘅讚美就，哄得盈盈咁開心，相信盈盈係一個懂得感恩同知足嘅人。

日前，盈盈喺社交網上載一短片，片中見佢着上全白色抹胸長裙，谷胸露背之餘，仲騷出深長事業線，一眾網民睇到之後，都不禁留下心心眼，並大呼：「女神」、「靚人靚景」、「氣質女神」。

至於最旺生肖係雞，得到貴人賞識，可為事業帶來新機遇。肖雞嘅內地頂流女星范冰冰，因捲逃稅風波而遭內地封殺，雖然解封無期，不過人氣早已紅遍全球各地，再加上向來都係時裝品牌寵兒嘅佢，完全唔愁，仲相當積極咁周圍飛吸金，本月初佢先快閃馬來西亞，之後又飛到巴黎，參加多個品牌嘅高訂大騷，更將部分花絮上載到社交網，同大家分享，人氣不跌反升，嚟緊冰冰會得到貴人賞識，有望為事業帶來新機遇。