胡杏兒馬爾代夫撇甩囝囝　歎Spa做瑜伽

藝人胡杏兒近年在內地發展一帆風順，工作忙過不停，不過就要與三個兒子分隔兩地，犧牲相處時光。不過，屬事業型媽媽的杏兒趁暑假亦暫時放低工作，盡母職抽時陪伴小朋友，最近一家五口更飛到馬爾代夫放暑假旅行，遊水、食大餐、睇日落，玩得相當開心。

杏兒雖然有老公幫手湊仔，但要照顧三個小朋友絕對不會輕鬆，但身為「時間管理大師」的她仍能擠出時間，為自己製造「me time」，讓自己有珍貴的獨處時光，做一會瑜伽，歎個靚SPA，既能保持靚媽弗爆身形，亦好好放鬆心情，平衡生活，叉足電再照顧家庭和拚搏事業。