周潤發一抽二褦現身機場　眼尖網友質疑認錯人

影帝周潤發生活向來低調，雖然冇開社交網同粉絲分享生活點滴，但就不時喺食肆、街市或行山時被粉絲巧遇，面對粉絲嘅熱情亦會親切回應，人氣高踞不下。而日前，就有網友喺社交網透露自己喺機場巧遇周潤發，並分享道：「跟着發哥飛香港」，只見相中人頭戴Cap帽全黑打扮外，就連斜孭袋、背囊及行李篋都係全黑色，高挑嘅身材亦引嚟唔少網友留言激讚，不過亦有網友懷疑認錯人：「根本就不是周潤發！」