何沛珈生日騷Quali　渾圓美臀露微笑線

因參選港姐而入行嘅何沛珈（Roxanne），樣靚身材正嘅佢不時透過社交網分享生活點滴，加上直率性格，入行短短4年就圈粉無數。而喺今日（1日）迎來28歲生日嘅佢，亦晒出多張性感靚相，只見身穿藍色高領背心襯短牛仔褲嘅佢，綁繩設計露出大片白滑美背及纖纖小蠻腰之餘，超短嘅牛仔褲更令pat pat若隱若現露出微笑線，同時Roxanne亦分享生日願望道：「唔再單單希望自己好，而係希望身邊嘅人更加好。今年嘅生日願望係希望身邊嘅人都身體健康，然後明年以及往後都可以一齊慶祝！」認真人美心善。