郭羨妮螢光比堅尼吸引過海天一色　古桐色美肌晒纖腰

曾獲「最美港姐」稱號嘅郭羨妮係公認嘅美人，依家即使年屆50都仲係索到不得了，今日（1日）更大方晒出兩張超性感比堅尼靚相，透露早前去咗馬爾代夫旅行，又留言稱依家個心都仲未飛返香港，非常疏乎：「What a nice vacation with my loved ones. Our hearts are still in Maldive! 💕💕💕（同最愛嘅人們去咗好正嘅度假。我哋個心都仲喺馬爾代夫）」見佢坐喺海天一色嘅無邊際泳池邊，一身螢光色系嘅泳衣露出古桐色玉背，加上佢纖腰出眾，全身毫無贅肉，唔使睇正面都一樣噴鼻血。