蔡卓妍出道24周年　感性文答謝粉絲沿途相伴

藝人蔡卓妍（阿Sa）在娛樂圈獨當一面，出道至今紅透半邊天，早前與鍾欣潼（阿嬌）合體完成14場Twins 22周年演唱會，現正在內地舉行巡唱場場爆滿，人氣高企，成績有目共睹。今日（1日）是阿Sa出道24周年，她有感而發在社交平台發文，表示：「見到你們嘅提醒同祝福，我先記得，今日係我出道24周年。雖然呢一刻因為連續幾日10幾個鐘拍攝嘅工作而仲攤喺張床度，但係我一路睇住你哋嘅post，內心係非常澎湃嘅。」

同時，她多謝粉絲多年來的相伴，表示：「見到大家拍嘅視頻，大家嘅留言，好多畫面都喺我個腦裏面出現。雖然今日仍然係普通嘅一日，我哋各自喺自己嘅生活軌跡裏面對各自嘅工作同生活，但係呢一日你哋會用心記住，幫我慶祝，對我嚟講係好特別嘅，特別感恩呢一路都有你哋相伴，亦都多謝我自己一路嘅堅持，感謝嘅說話我唔多講喇，在心中！我相信你哋都知道，你哋用咗咁多時間嚟了解我，然後仍然支持我，呢個真係一個莫大嘅鼓勵同感動，蔡卓妍會繼續努力！」