莎朗史東拍片解釋左眼瘀傷原因

《本能》（Basic Instinct）美國女星莎朗史東（Sharon Stone）上月尾於社交網站上載自己於土耳其度假時弄得左眼瘀傷的照片，引起網友擔心，她昨日（1日）指片親眼受傷緣由，並非被人襲擊導致：「我知道你哋好擔心我點解隻眼黑咗一撻，我就話你哋聽。我去過好多國家好多酒店，我半夜起身屙夜尿時都唔記得咗身在何處，結果跌親撞落塊石地。冇，冇人對我做啲咩，我冇事，喺度好開心，旅行時去到邊都受到歡迎，令我度過最快樂時光。」

她於片中脫下黑超展露傷勢，笑言：「佢依家情況好轉，但佢真係一個好睇嘅黑眼圈。你哋應該睇吓我搞到個石地點樣。多謝關心我，我都關心大家。」