港姐︱倪樂琳王汛文謝淑怡同選美冠軍學行Catwalk

《2024香港小姐競選》候選佳麗2號倪樂琳（Ellyn）、3號王汛文（Candice）和4號謝淑怡（Zoie）日前由黎芷珊、師姐彭慧中（Phoebe）帶領下出發菲律賓碧瑤拍攝外景。

3位佳麗跟跨性別人士選美冠軍A.R. Duque學習行Catwalk，A.R. Duque與佳麗分享選美經驗，並教她們擺出招牌選美動作叉腰Pose，在選美冠軍加持指導下信心和美態瞬間升呢。之後進入Catwalk環節Ellyn、Candice和Zoie全都身高166cm以上，身形高挑，自信十足，行得似模似樣兼大擺型格甫士。

芷珊大讚她們行Catwalk表現出色，表現從容。Phoebe則點名大讚Zoie：「佢每個Pose都好定，好從容咁表達出嚟。」問到行程最大的挑戰？Candice笑言：「唔夠瞓係最難駕馭。」過來人Phoebe鼓勵說：「呢個都係一個挑戰嚟，通常拍劇都係返去休息1個鐘，之後就要再開工，專業藝人可以Keep住好精神，休息時間瞌一瞌，一Roll機就即刻進入狀態。」