陳展鵬撞樣土耳其零裝備選手　揸「槍」力撐似到十足十

巴黎奧運舉行得如火如荼，其中混合團體10公尺空氣手槍項目中，土耳其51歲的射擊好手迪凱區（Yusuf Dikec）因零裝備上陣，沒有配戴專用射擊眼鏡及耳朵保護裝置，僅以普通眼鏡及耳塞落場，終以582分佳績勇奪銀牌而成功搶鏡，更被網民指撞樣視帝陳展鵬，以陳展鵬在《隱形戰隊》中戴住眼鏡開槍一幕作對比，相當神似。而迪凱區賽後亦霸氣表示擊從來不配戴任何特殊的裝備，全因是天生的射手，不需過多的裝備來輔助。

至於「本尊」陳展鵬似乎亦有留意，於社交網上載揸蕉扮「揸槍」的照片，笑言：「其實攞啲咩喺手到唔重要啊？重要嘅係個樣要夠集中同認真！Phoebe認真啲，唔好笑啦！接蕉啦！」簡直神還原，網民都大讚玩得，更交足戲：「贏咗銀牌有乜感想？」、「果然係你，參加比賽」、「真係躺着也中蕉」。而身在美國的他正準備明天開騷，仍抽空為粉絲簽名，非常有心。