女臨記指控大導演哥普拉片場非禮

上周美國傳媒爆出《教父》（The Godfather）系列美國金像導演法蘭斯哥普拉（Francis Ford Coppola）執導新片《大都會》（Megalopolis）一場夜店戲份期間，親近跳舞中的幾名女臨記又攬又鍚。雖然其中一名女臨記Rayna Menz日前受訪為哥普拉洗白表示：「佢冇做任何嘢令我或者片場其他人感到唔舒服。」但這個說法就刺激到另一名女臨記Lauren Pagone現身說法，指控哥普拉非禮真有其事：「我好震驚。我冇預計佢會咁樣鍚同攬我。我完全係意料之外。而我可以話畀你知，佢係埋咗身幾次。」

她繼而表示：「我唔鍾意其他人代我去講嘢。我永遠唔會代另一名女演員講嘢。我一直都保持沉默，冇出聲。但當佢公開講：『Hey，大家都好開心』而佢根本唔知其他人有咩感受時，真係令人激氣。你只能代表自己講嘢，不能代表其他人。我個體驗同你唔同。」據稱哥普拉拍攝的那場戲是除夕派對，他希望舞池中的演員會互相親吻慶祝，而他自己亦可能會落場鍚人。