鮮娛糧︱《中年》曹敏寶突晒暴肥相　借雞湯文寸網友

《中年好聲音》選手曹敏寶（Mable）早前被傳暗撻梁浩銓，雖然2人針對緋聞作出否認，但仍有傳Mable因形象受到影響繼而被雪藏，人緣疑似變差嘅佢連《中年好聲音》嘅好友聚會都未有現身。而近日終於出席公開活動亮相嘅佢，亦透過社交網同網友分享生活滴，只見佢晒出暴肥時期同依家苗條身材嘅相做對比，並長文表示自己以前好驚呢啲相會畀人睇到，但依家選擇分享係為咗可以鼓勵一啲因情緒、焦慮、體質或藥物而影響外形嘅女性們，就算身形肥胖，但只要自己過得幸福就係快樂。此外，Mable亦似乎借舒淇嘅話回應昔日網友對佢嘅負評道：「你可以有張嘴，但未必一定有顆腦袋。」