連詩雅公開B女中文名　原來唔係叫「陳徹」

歌手連詩雅（Shiga）上月為老公陳家樂誕下B女Camila，升呢做新手媽媽嘅佢雖然依家專心坐月，不過都經常玩社交網分享湊女經，佢今日（4日）大晒同囡囡嘅最新合照，佢特別安排Camila於出世17日時影初生BB寫真，小公主的寫真以粉紅色為主，相當得意。

Shiga首次留言公開囡囡Camila的中文名字，本身由佢佗B嗰陣，陳家樂已經諗好個女中文名叫「陳徹」，不過被所有人反對，因諧音會變「陳設」，驚囡囡長大後會被同學笑，Shiga今日終於公開囡囡個名，決定係叫陳星頤，稱呼囡囡做「星星」，而陳家樂就表示：「我嘅BB。」一眾好友唐詩詠、區永權、楊潮凱等，都有留言大讚B女好靚女。