方力申自覺唔適合做記者 獲讚「世一」勁謙虛
2024年08月04日 22:01
東網電視
更多新聞短片
![](/hk/bkn/cnt/entertainment/20240804/photo/bkn-20240804220118720-0804_00862_001_01p.jpg?20240804203116)
方力申(小方)為無綫出征,遠赴巴黎採訪奧運,本身是游水健將的他,憑藉自身的運動員經驗,表現專業獲一致好評。而昨日(3日)港隊游泳代表何詩蓓、歐鎧淳、簡綽桐及譚凱琳,出戰女子4X100混合泳初賽,雖然無緣晉級,但4位選手接受小方訪問時卻笑得相當開懷,歐鎧淳更被他搞到又喊又笑。
近日無綫越洋訪問了小方,他坦言自己並非記者出身,而每次訪問運動員只得兩、三分鐘,所以自己一定要預先準備好不同類型的問題。被問到最難忘的訪問?小方表示:「最難忘係訪問何詩蓓,因為咁多人關注,我會假設定佢攞金牌問咩、攞銀牌問咩、攞銅牌問咩,冇獎牌會問咩,有意外會問咩。」他又指很多時要針對運動員臨場發揮問問題,變相事前做的功課或準備都有可能白費,所以好多時候都要靠臨場發揮。
對於連日來都被網民大讚其表現專業,小方坦言確有收到不少稱讚,又謙虛表示:「我唔係好叻,都好緊張,但最重要係將運動員嘅資訊畀到觀眾知道,我只不過係要諗一啲問題等佢答嘅時候發揮到,同埋盡量問一啲有特色啲嘅問題。」並感嘆謂:「做記者最難嘅係,依家太多人關注我哋嘅言行,對前線嚟講都係好大嘅壓力。」
而奧運游泳賽事已尾聲,小方「無綫巴黎特派專員」的任務也告一段落,他在社交網貼出相並抒發今次感受,他表示:「我從一位學生運動員轉型成為藝人,面對不同身份,不同崗位:做歌手、做演員、做主持、做司儀、做記者等等,一直邊學邊做,感謝這些年來觀眾對我的包容,給我時間慢慢成長。」他自覺不適合做記者,認為自己臉皮薄,玻璃心,反應慢,詞又窮,有時候還會有偶包。他笑指自己要發揮「香港精神」,面對困難時需應變,不能輕易放棄,要有毅力去克服障礙。