安祖蓮娜祖莉養子柏斯出深切治療部　患複雜性壓力症手尾長

荷里活前夫婦畢彼特（Brad Pitt）與安祖蓮娜祖莉（Angelina Jolie）的越南裔養子柏斯（Pax）上月29日於洛杉磯沒戴頭盔踩電動單車時發生意外，撞傷頭部入院，當時雖然有傳他有機會翌日出院，但原來傷勢比預期嚴重，他昨日（4日）才離開深切治療部，知情者透露而且更是手尾長：「柏斯出咗ICU，佢患上咗複雜性創傷後壓力症候群，依家開始漫長嘅復康之路同埋物理治療。」

知情者又透露：「柏斯同佢媽咪都好感謝救護人員嘅快速行動救咗佢一命，同埋佢受到出色嘅治理。柏斯兄弟姊妹都有探佢同幫佢，佢哋係好親密。」而安祖蓮娜的養子女與親子女，都與父親畢佬決裂，早前陸續棄跟父姓。