陳曉東病倒醫院求醫　雙目無神惹擔心

歌手陳曉東準備下月於台灣開騷，賀入行30周年，現時積極備戰的他，今日（5日）於社交網上載影片，指自己身體不適到醫院等待治療，見他頭髮凌亂戴上口罩，一雙大眼無神，講話冇聲無氣，狀況不是太好，留言：「#concert #魔咒，每次開秀之前總有一啲嘢，可能太#alert，也可能長時間#tightschedule #頻撲，目前聲音無事，只是一吹冷氣就 #鼻塞#無發燒，用自己啲藥壓住，這幾天晚晚 #焗汗#看看 是否可以打多支 #開聲針，這幾天會更加注意情況。」令網民都好擔心。

他看完醫生後再出Po報平安，表示：「沒事！只是體驗了一下弱不禁風。」而佢亦拉低口罩，睇到佢雙眼回復精靈，仲識搞笑，不斷扭動身體，睇來冇咩事啦，佢仲爆笑留言：「可能掛錯號，可能應該掛精神科？打完針無事geh。」一眾網民即刻放心晒啦！