黃庭鋒奧運即時翻譯日文獲激讚 曾交日本女友練日語
2024年08月06日 11:01
東網電視
更多新聞短片
![](/hk/bkn/cnt/entertainment/20240806/photo/bkn-20240806110156596-0806_00862_001_01p.jpg?20240806173917)
無綫藝人黃庭鋒乃今年「奧運之星」之一,以前曾是運動員的他,於2016年都曾擔任奧運主持,今次的表現比當年固然進步不少,而日前日本女子乒乓球選手早田希娜擊敗韓國選手申裕斌奪得銅牌,賽後接受TVB獨家訪問,由於現場沒有翻譯,黃庭鋒就即時被邀為大家作翻譯,事後被網民激讚,相當稱職。對此他謂:「以前讀大學時我曾到日本做一年交流生。(一年就咁叻?)一年梗係唔夠,當然有啲後補工作啦!」多年前庭鋒曾於節目《#後生仔傾吓偈》中大爆曾有日本女友,當時更被主持麥明詩、戴祖儀等逼供,追問與日籍女友交往與香港女友交往的不同,期間又大膽說到床事,當時怕羞的他只笑言:「其實分別幾大,佢哋唔會太Chur,太過干涉你生活。(咁床上表現?)我聽我啲日本friend講,係好enjoyable(令人愉快)嘅!」
說到今次充當翻譯,他坦言:「頭半年都係講唔到,要做手語夾夠,至於即時翻譯呢樣嘢自己係有少少經驗,我讀書時做過七人欖球球賽的球員訪問,嗰陣已經好驚,今次又唔同嘅,自己心情代入咗,當日早田希娜講嘅嘢自己好似好明白咁,可能自己以前都係半個運動員啦!」
他又表示要多謝幾位體育前輩主持,因為奧運前自己一直要於佛山拍攝劇集《巨塔之後》,故只得很少時間準備,有他們支持自己信心會大很大。庭鋒謂:「今次奧運都幾開心呀!2016年入TVB第一個工作就係奧運,不過嗰陣好多嘢都唔識,跟唔到個節奏,唔係好敢講嘢,冇乜信心,依家明顯係大膽咗,有時可以仲要帶動個節奏,呢個係好大進步。(做得開心?)咁當然開心,因為自己好鍾意運動,睇到咁多激烈比賽,港隊又攞金牌,呢啲真係難能可貴,喺廠睇比賽成件事都好似好近咁。」