黄庭锋奥运即时翻译日文获激赞　曾交日本女友练日语

无綫艺人黄庭锋乃今年“奥运之星”之一，以前曾是运动员的他，于2016年都曾担任奥运主持，今次的表现比当年固然进步不少，而日前日本女子乒乓球选手早田希娜击败韩国选手申裕斌夺得铜牌，赛后接受TVB独家访问，由于现场没有翻译，黄庭锋就即时被邀为大家作翻译，事后被网民激赞，相当称职。对此他谓：“以前读大学时我曾到日本做一年交流生。（一年就咁叻？）一年梗系唔够，当然有啲后补工作啦！”多年前庭锋曾于节目《#后生仔倾吓偈》中大爆曾有日本女友，当时更被主持麦明诗、戴祖仪等逼供，追问与日籍女友交往与香港女友交往的不同，期间又大胆说到床事，当时怕羞的他只笑言：“其实分别几大，佢哋唔会太Chur，太过干涉你生活。（咁床上表现？）我听我啲日本friend讲，系好enjoyable（令人愉快）嘅！”

说到今次充当翻译，他坦言：“头半年都系讲唔到，要做手语夹够，至于即时翻译呢样嘢自己系有少少经验，我读书时做过七人榄球球赛的球员访问，嗰阵已经好惊，今次又唔同嘅，自己心情代入咗，当日早田希娜讲嘅嘢自己好似好明白咁，可能自己以前都系半个运动员啦！”

他又表示要多谢几位体育前辈主持，因为奥运前自己一直要于佛山拍摄剧集《巨塔之后》，故只得很少时间准备，有他们支持自己信心会大很大。庭锋谓：“今次奥运都几开心呀！2016年入TVB第一个工作就系奥运，不过嗰阵好多嘢都唔识，跟唔到个节奏，唔系好敢讲嘢，冇乜信心，依家明显系大胆咗，有时可以仲要带动个节奏，呢个系好大进步。（做得开心？）咁当然开心，因为自己好锺意运动，睇到咁多激烈比赛，港队又攞金牌，呢啲真系难能可贵，喺厂睇比赛成件事都好似好近咁。”