姜濤「第16胎」獲馮德倫執導MV　自爆會有神秘女士現身

男團MIRROR人氣王姜濤聽日（7日）將推出個人全新單曲《Every Single Time》，成為佢個人「第16胎」，今日（6日）佢就率先晒出MV嘅花絮片，仲劇透咗今次嘅MV導演就係馮德倫，估唔到兩位合作完廣告就一拍即合，馮德倫仲親自示範pose畀姜濤睇，態度nice爆又夠專業，「跨世代美少年」同框！

片段中，見姜濤身旁出現一位外籍高妹，一睇就知係MV女主角，對方更有174cm身高，令百厭嘅姜濤即刻偷偷同對方度身高，合照時仲意外印證姜濤嘅真實身高有178cm，姜濤又喺限時動態話：「16胎還有一位神秘的她。」令粉絲勁期待。