趙露思選「最美女演員」慘敗　鞠婧禕贏埋迪麗熱巴

最近網上發起「最美女演員」票選，吸引唔少網友及一眾女星粉絲參與，結果終於出爐，當中「85小花」僅有Angelababy（楊穎）一人上榜，其餘都係近年竄起新生代女神，包括虞書欣、白鹿及趙露思等頂流當然有份，估唔到今次鬥靚選舉更由鞠婧禕拎冠軍，且票數斷層式領先，真係威到盡。

曾被日媒封為「4千年一遇美女」嘅鞠婧禕，票數以190多萬領先位居第二、獲104萬票嘅趙露思。鞠婧禕以空靈氣質加精緻五官見稱，佢每次以新造型亮相都衝上熱搜，清新脫俗氣質加上盛世美顏，依家仲有合約問題，關注度確係高。

第二名則係「95小花」趙露思，「甜寵女神」可愛形象深入民心，私下甜美穿搭亦成為時下少女模仿指標，不過近年佢就頻頻被傳黑料，雖然劇接劇咁拍，但係都人紅多是非。第三名係「新疆四美」之一嘅迪麗熱巴，深邃五官加上完美身材比例，平時佢都係「選美」冠軍常客，今次難得做「阿三」，令人意外。而第8到4名分別為Angelababy（楊穎）、吳謹言、虞書欣、白鹿及楊紫。