馮允謙個唱門票售罄　終於有覺好瞓

「唱作王子」馮允謙（Jay）將於10月舉行紅館演唱會，已是第三度開個唱的他，演唱會門票於本月6號公開發售，一如所料火速售罄。他接受鄭裕玲（嘟嘟）節目直播訪問時，工作人員在隔籬房間隔着玻璃舉牌通知他演唱會門票全部售罄的好消息時，嘟嘟在節目中將好消息廣傳：「哎呀，你個concert sold out啦！恭喜晒你呀！戥你好開心！」他亦開心高呼：「Oh my god！真㗎？多謝！好開心同你一齊分享呢個moment！」他合十感謝再說：「多謝所有觀眾、多謝我嘅fans，多謝買飛入嚟睇Jay Fung，第三年solo show，我會繼續努力！」

節目結束後，Jay步出直播室，興奮地再說：「Oh my god！」自言終於有覺好瞓，又指前一晚為門票銷情緊張到瞓不足，他又謂：「因為真係諗緊今次個騷要點呢？啲飛賣成點呢？啲人會唔會再睇Jay Fung嘅騷？所以依家係個肯定，多謝你哋，一日就賣晒啲飛，我會努力，希望good show，大家enjoy，我一定會努力，Thank you！」