劉威煌開騷請盡《中2》好兄弟 譚輝智自動請纓助陣
2024年08月06日 23:13
東網電視
更多新聞短片
![](/hk/bkn/cnt/entertainment/20240806/photo/bkn-20240806231326554-0806_00862_001_01p.jpg?20240806232723)
歌手劉威煌將於8月10、11日假麥花臣場館舉行兩場《劉威煌 Reunite Concert》音樂會,請來《聲夢傳奇2》黃洛妍及一班《中年好聲音2》好兄弟譚輝智及顏米羔等晚上(6日)於土瓜灣進行綵排。劉威煌表示今次會請盡好兄弟上台,提到他之前為譚輝智演唱會任嘉賓時要唱歌及扮嘢,他笑言今次不用他們扮嘢:「最緊要有型!因為主題係重聚,希望感覺係有趣、開心。」問到譚輝智是否來還債?他即笑指跟米羔是主動申請參與。
問到會否騷肌?威煌笑指自己操練未夠多,又指其他歌手在台上騷肌個個身形都好「堅」,他笑謂:「如果到時若覺得熱就除衫,大家唔好咁貪心,最多着少啲衫上台,哈哈!」笑指會有令女士尖叫嘅場面。他透露屆時會唱經典歌,笑指令大家有重回80、90年代的士高感覺:「亦會唱盡自己14首作品,一首不漏唱晒,因為有啲歌甚至未親自喺台上唱過,例如《海賊戰隊》,係特攝片嘅主題曲。(會扮海賊戰隊?)唔會啦!上次扮《龍珠》同《足球小將》已經去得好盡,再扮卡通角色會突破唔到。」顏米羔則笑指上次扮《超人》令他有心理陰影,問到是否再當MC?他笑謂:「可以做番本行影相、出張嘴唱歌,要睇威煌封利是幾大封啦。」問到輝智是否會伴舞?他笑言都會盡做:「威煌肯除衫,我就肯跳!」
三人又透露屆時會有驚喜環節,問會否有感人場面?威煌説:「係正能量 Happy Ending,希望歌迷笑住嚟笑住走,可能自己散場先再喊過,唔想歌迷喊,搞到好似最後一次演唱會咁。」他表示家人會總動員到場支持,亦會請盡一直以來幫過自己的監製及對自己有恩的人,問到可會邀請「巨聲幫」上台?他指原先有此打算,但坦言大家工作忙,所以只會請他們到場睇騷:「因為好多人唔喺香港,擔心唔夠時間練習,唔緊要,下次再請巨聲幫,或者搞個巨聲幫演唱會。」