不滿質疑台奧運女拳手林郁婷　劉思慕發炮轟《哈利波特》作家羅林

台灣拳后林郁婷與阿爾及利亞女拳手Imane Khelif，早前出戰「巴黎奧運」飽受性別質疑，《哈利波特》（Harry Potter）小說作家羅林（J.K. Rowling）多次於社交網影射即被網民圍插。就連漫威（Marvel）加拿大華裔男星「尚氣」劉思慕（Simu Liu）亦忍唔住發文批評羅林！

針對女拳手性別爭議風波，Simu日前回應網民的提問：「你曾經係那位名人（羅林）嘅粉絲，但依家你唔再喜歡，點解呢？」Simu即時「開名」回答：「我真係無法接受羅林喺網上言論，網絡上經常出現過於草率地下嘅結論，對嗰啲唔應受到呢種待遇嘅人進行攻擊。」

Simu對於羅林的非常危險性反跨性別言論續說：「真係影響到我嘅生活，包括親密朋友在內嘅人，我愛《哈利波特》，我討厭網絡欺凌，但我非常唔鍾意佢依家咁樣！」言論一出，即獲得過萬個讚，網民都十分讚同Simu的說法。