吳浩康開騷講男人之苦　自爆市道差地盤工作大減

歌手吳浩康今日（7日）到新蒲崗為本月10日的演唱會作綵排。他透露今次開騷的時間比較急：「主辦方好急咁搵我（因為上次開騷反應熱烈？）唔關事，只不過今次有場地，同埋佢哋想畀我講多啲嘢。」稱今次演唱會主題是男人之苦，嘉許一班真真正正的男子漢。又笑言今次演唱會是公器私用，想透過演唱會向老婆傳遞一些說話：「我試過好多次想整喊佢，當年結婚都想，但每次都係我喊先。」他又爆今次邀請到許廷鏗擔任演唱會嘉賓：「我哋一直係工作撞過好多次，想合作又次次都就唔到時間，今次終於可以。」

談到工作，吳浩康指仍然有繼續做地盤工作，不過因現時經濟差，令工作激減，故有意再兼職裝修行業，計劃將來要開設工程公司，他謂如果當日沒有工作就會自行安排，而工作的優先順序由人工的高底而定。提到近日張致恒也投身地盤行業，吳浩康就言沒有在工作上遇過對方，又透露現在要自資約六位數為自己和樂隊做歌：「已經係友情價，因為啲好兄弟知道我自己畀錢。」