陳曉華熱得滯係咁脫　瘋狂爆汗喪食都唔肥

無綫藝人郭晉安、陳曉華、江嘉敏、郭柏妍、何依婷、何廣沛、羅天宇、陳浚霆等現正於內地為新劇《金式森林》開工，「風少」陳浚霆向來出手闊綽，連日來都不時「萬歲」請大家食好西，但反而慘遭何廣沛於社交平台PO出搞笑食相，更配文：「沒有形象可言」，相當抵死。眾女雖然吃個不停，但因為天氣悶熱，拍攝辛苦，沒有增磅。

陳曉華接受東網訪問時謂：「我冇肥到呀！天氣好熱，一直都留好多汗，脫咗好多水，雖然咁啱畀大家見到我哋食緊嘢，但係平時我都唔係好食嘢，因為拍攝真係好忙碌，可以用如火如荼去形容。」而羅天宇表示今次最開心是可以跟羅蘭姐飾演兩嫲孫：「我都有7年冇同佢合作，劇入面我係最錫佢，所以我成日都照顧住佢，佢好犀利，好多對白都講得好順，同埋我同安哥（郭晉安）都拍咗一場好感動嘅戲，我成日請教佢，安哥都好用心教我，佢哋都係我嘅學習對象。」