周星馳疑激罕開Live　談笑風生收禮物難分真假

影星周星馳（星爺）近年開社交網同大家互動，雖時不時就會上載同不同當紅藝人合照，但多數都只晒背面或側面相，大家都唔好少見到佢個靚仔樣，神神秘秘。不過最近內地短片平台忽然出然一位同佢似足9成嘅男子開Live，無論白髮、戴cap帽同衣飾都同星爺好似，連聲線都似埋。佢喺直播中一邊播《西遊記大結局之仙履奇緣》插曲《一生所愛》，一邊積極同網民吹水，背景就有星爺電影造型畫像。

不過就有人質疑片中人好似比依家嘅星爺後生，即有人鬧爆對方扮星爺呃錢，博粉絲送禮物、課金，同時都有人認為佢似係真星爺。另有人大讚佢扮星爺都扮得好似，連頭髮都染白，相當有心。