孫儷鄧超一家四口飛巴黎撐奧運　超長腿大仔變小鮮肉

內地女星孫儷與老公鄧超一家4口趁暑假密密外遊，繼上次合體觀戰溫布頓網球公開賽女單決賽後，最近又被網友偶遇到佢哋疑似去法國巴黎現場撐奧運盛事，山長水遠飛去支持國家隊，都專登抽時間去搵番國內風味醫肚，被拍得去到當年一間火鍋店開餐。有網友晒出巴黎偶遇鄧超孫儷一家四口嘅片段，見鄧超拖住同自己餅印一樣嘅女兒行出火鍋店，12歲仔仔「等等」就自己行上車。網友驚訝佢又高又瘦又似媽咪孫儷，長腿更見搶鏡，似乎身高好快就會追過老竇，仲有好多網友都話等住佢大個仔入行做小鮮肉，好想睇佢哋組成演藝世家嘅合作。