網民開盤選港姐「三甲大熱」 倪樂琳陳甜甜吳芷靖看高一線
2024年08月08日 16:27
東網電視
更多新聞短片
![](/hk/bkn/cnt/entertainment/20240808/photo/bkn-20240808162752939-0808_00862_001_01p.jpg?20240808233818)
無綫《2024香港小姐競選》15位佳麗早前分批到塞班島、內蒙、新加坡及菲律賓拍攝外景,每天外景拍攝最期待的泳裝環節,除了之前出發新加坡的佳麗陳紫佟、程姜月及吳芷靖外,其他佳麗都未有機會一展水着美態。
不過,大會日前安排佳麗穿着晚裝拍攝宣傳片,而網上隨即開盤選「三甲熱選」,當中包括狀態大勇的「城大李嘉欣」倪樂琳、愈睇愈靚的陳甜甜及後勁凌厲隨時有望跑出的吳芷靖。反觀之前獲睇高一線的「華姐」鍾翠詩明顯比之前跌Watt,網民略嫌她有點「哨牙」feel,「艷麗版蔡潔」程姜月亦娘味甚濃。
曾是女團及拍過寫真的倪樂琳(Ellyn)穿上粉紅色tube dress於舞台上自信心十足,笑容甜美,擺甫士時亦甚有星味,裙長開高衩設計令她露出一雙長腿,仙氣飄飄,網民推為冠軍級之選。之前不甚起眼的吳芷靖及陳甜甜經過大會形象設計及化妝師「改造」後,樣子大方得體。至於「Hot版鍾麗淇」梁嘉莹身材向來有睇頭,穿起綠色低胸長裙,露出深深事業線成功搶FO。
無綫娛樂新聞台直擊了相關宣傳片拍攝情況,倪樂琳受訪時坦言拍攝心情緊張:「第一次着咁靚嘅衫拍Promo,心情非常激動,但都有少少緊張,驚啲Pose擺得唔靚,表情唔夠好睇,不過最後都克服咗。」她又指為了保持體態,近日積極做運動操弗自己,備戰決賽重頭戲泳裝環節:「都想自己線條靚啲,有時間就會做運動,雖然平時都有做開,但就會懶散少少,依家就會督促住自己。」3號王汛文則自爆之前游水時不慎曬黑:「我唔係成日游水,係返香港先游,但我游水時冇乜搽防曬,所以有人話曬黑咗,之後都要注意番。」