周子瑜單飛片癲破7紀錄　人氣打敗蔡依林周杰倫

韓國人氣女團TWICE台灣成員周子瑜成為隊中第3位Solo成員，曾一度被公司雪藏嘅佢，依家人氣大爆發，今次Solo預告影片上架後，只花8小時就創下TWICE官方社交網最快達成千萬點閱預告片、以2,331萬觀看次數刷新官方社交網點閱最高預告片、以1日15小時速度成為官方Channel最快達標百萬觀看次數預告片，同時亦係官方Channel最快破10萬點閱預告片及24小時點播放量最多、官方社交網史上按讚數同觀看人次最多預告片共7項新紀錄，可見子瑜全球受歡迎程度！

子瑜個人專輯已確定9月6日發行，1分鐘預告一公開，立刻衝破2千萬觀看次數，刷新TWICE官方紀錄，5種版本專輯日前開放線上預購，20分鐘已售罄！多次殺入「全球百大最美臉孔」頭三甲嘅佢，身為首位喺韓國出專輯嘅台灣人，成功打響名號，2023年開設個人社交帳號，唔到1年就達標千萬人次追蹤，目前累積1,333萬，僅次於隊友MOMO，亦係目前追蹤人數最多嘅台灣藝人，已超越周杰倫、蔡依林等台灣天王天后，風頭一時無兩。