劉亦菲清純Look現身　脫外衣內有乾坤

內地頂流女星劉亦菲，出演過唔少古裝劇嘅佢，更因甜美外貌及冷艷氣質，被網友封為「神仙姐姐」。而日前出席熱播劇集《玫瑰的故事》慶功宴嘅佢，日前就以黑色西裝外套襯淺藍色碎花短裙亮相，同劇中事業有成嘅女強人角色「黃亦玫」形象相似外，優雅舉止亦相當搶Fo。

只見身穿黑色西裝外套嘅劉亦菲，望落雖然打扮保守，剩係露出一對白滑長腿，不過除褸後就別有一番韻味，只見碎花短裙低胸窄腰嘅設計，盡騷佢苗條身材外，下胸處嘅鏤空設計，更係令人眼前一亮。