小S最索二女出招搶Fo　銀色馬甲騷纖纖小蠻腰

台灣女星徐熙娣（小S）同老公許雅鈞育有3女，分別大女兒許曦文（Elly）、二女兒許韶恩（Lily）、小女兒許曦恩（Alice），而繼早前大女Elly升讀美國大學掀起熱議後，其中備受廠商寵愛嘅2女Lily，則因「英文是母語」被內地商斬代言，對此Lily雖然從未正面回應，但仍不時透過社交網同網友分享生活點滴。

日前，Lily亦透過社交網晒出一輯沙龍靚相，只見將一頭秀髮紮成孖辮嘅佢，身穿銀色馬甲襯牛仔褲，大騷Fit到漏嘅零贅肉身材，引嚟唔少網友留言道：「比女團還正。」、「到底要怎樣才能跟你一樣漂亮！」、「身材太好了吧！」甚至仲有網友搞笑道：「林志玲的女兒好美喔！」