狄易達點名讚AL跳得　感激Lokman默默支持業界

Hip Hop街舞出⾝的狄以達（達仔）今日（10號）現身Mikiki商場舉行街舞活動，近年較少幕前演出的他表示：「幕前會揀嚟做，唔想好似以前咁忙，我都35歲，想多啲時間陪家人，（想結婚？）都開始諗。」不過問到女友身份、拍拖多久、何時結婚，他以主力從事文化活動，不想太多花邊新聞而婉拒回應，只承諾結婚時定通知大家。

談及推動跳舞文化，他覺得舞者需要表演空間：「好似奧運運動員咁，其實唔止攞金牌嗰個勁，其他都表現都好好，所以想搞多啲跳舞活動畀佢哋發揮。」他又讚男團MIRROR成員Lokman、Anson Lo（AL）及Anson Kong（AK）舞技出色，更點名大讚Lokman：「我哋細個時一齊跳舞嘅，佢哋都好支持舞界，有時我搞活動，佢哋都偷偷哋嚟，講錯，係私下支持，好多謝佢哋。」