何沛珈主持奧運表現淡定　自爆緊張到震要貼暖包

藝人何沛珈被委任為無綫的奧運之星，首次擔任奧運主時的她事前做足功課，除了背熟運動員資料外，又重溫上屆奧運直播片段及運動員訪問片，早前她坐上主持枱更被網民大讚表現淡定，她自揭背後緊張到震：「今次係我第一次做體育類節目，真係好緊張，其實我隻手震晒，加上個廠好凍，一凍我就會更加緊張，所以我貼晒暖包喺身上。」

何沛珈續指頭兩天仍未摸索到方向，幸得資深體育主持帶領及給予機會：「佢哋知道我有做功課，就會主動問我問題，畀機會我去講，有時喺廣告時間，我會提出一啲問題，佢哋認為值得問，就會叫我一陣喺節目中發問。」她認為最大挑戰是等頒獎禮前有幾分鐘「吹水」時間，所以定必要準備充分，並感激事前有多位好前輩無私教路：「陳庭欣分享咗佢之前做嘅功課畀我，黃庭鋒就同我分享佢嘅經驗。」她坦言見到運動員對待比賽的認真態度，自然會被感染，又謂不可失禮奧運之星的稱號。