賈靜雯同老公撐枱腳表情嚴肅　嚇到修杰楷嗌冤枉

台灣影后賈靜雯2015年同男星修杰楷結婚後，共同育有3個寶貝女兒梧桐妹、咘咘及波妞，一家五口生活幸福美滿嘅佢哋，更不時透過社交網同網友分享生活點滴，而日前適逢七夕情人節，修杰楷亦透過社交網晒出同老婆賈靜雯撐枱腳食飯嘅相，不過賈靜雯嚴肅嘅微妙表情就嚇到修杰楷直問：「是不是有甚麼誤會？！」對此，賈靜雯亦分享道：「我只是餓了。」並附上哭笑不得嘅Emoji，夫妻2人有趣嘅互動，更引嚟唔少網友留言道：「可以感受到修杰楷濃濃的求生欲。」