郭秀雲唔認棒打鴛鴦　懶理兒子龐景峰戀劉溫馨

近日盛傳龐景峰與藝人劉溫馨拍拖數月，但因男方母親郭秀雲對女方不接受，為免令母親不悅，所以一向大方公開戀情的龐景峰被迫低調，之前更有指兩母子行街，也黑面對待兒子，對於連日來的傳聞，郭秀雲以「真係得啖笑」來形容，她稱自己一向都不會回應關於兒子的戀情，但不想傳聞傳到大家當真，以為自己是古老棒打鴛鴦，所以一次過回應：「我第一次見劉小姐（劉溫馨）就係今次嘅報道，但實際未見過面，Andrew（龐景峰）亦未帶過返屋企，所以點會存在唔滿意，況且個仔都30歲，只要佢自己揀就得，唔好次次都傳到阿媽黑面反對至會分手，我唔想呢啲花邊新聞關我事！」