Anson Kong跳高難度霹靂舞　身體痛足1星期

人氣男團MIRROR成員Anson Kong（AK）早前舉行個唱，並大跳高難度霹靂舞，今日（11日）他在社交網上載相片以及練習片段，並發表感言：「我真係好攰呀，每一次跳完我都會講一次。首先好感謝HongBoy呢幾個月嘅訓練，好攰，但好好玩，好記得開頭每堂之後身體都會痛一星期，之後慢慢變成痛5日痛3日痛到慣，但值得的，希望下次可以再做好啲。」

他稱很開心可以將霹靂舞帶上演唱會舞台，他指這兩晚奧運的霹靂舞賽事都很精彩，並希望來屆奧運繼續有霹靂舞項目。網民紛紛稱讚AK犀利跳得好，感謝他帶來精彩演出，有粉絲勸他「夠㗎喇，夠高難度喇，唔使挑戰奧運嗰啲動作，生粉會嚇死㗎！」