洪永城想帶2個小朋友去旅行 區永權爆細仔試過走失
2024年08月11日 22:09
東網電視
更多新聞短片
![](/hk/bkn/cnt/entertainment/20240811/photo/bkn-20240811220919929-0811_00862_001_01p.jpg?20240811222312)
藝人洪永城(Tony)、區永權(Albert)、胡美貽(Nicole)及伍韻婷(Juliana)今晚(11日)到將軍澳電視城出席記者會,介紹無綫全新直播綜藝節目《瞬間直擊半小時》,4人將以主持身份,與各界專家從世界各地不同內容的震撼短片中,分析當中蘊藏着的資訊及知識,節目將於明天(12日)起逢周一至周五晚上10時35分於翡翠台直播。
節目搜羅了不少家居事故片段,身為爸爸的Tony及區永權坦言平日也會特別留意家中安全問題,區永權說:「以前未有小朋友唔會留意屋企傢俬有冇起角,但當有咗小朋友就會好小心,仲會買嘢反嚟包住啲角,就算撞到都唔會有事。」Tony則表示現時每當觀看網上短片頻道,會自動向他推介有關注意小朋友安全、如何跟小朋友互動等影片,更扮感嘆説:「全部都係小朋友嘅嘢,已經冇咗我自己啦!」
提到他細女Beryl早前被發現右眼袋位置長了血管痣,他表示情況現時穩定冇變化:「粒士多啤梨痣冇發大,亦有變細,醫生話冇冇特別變化唔需要理佢住,等佢發大先處理,我同太太都平常心,因為好多時都會自動消失。」他叫大家不用擔心,更笑指囡囡長胖了不少:「我去泰國一個星期,由工人姐姐照顧佢,返到嚟肥咗1Kg,真係好脹,成個小活佛咁。」他又指4個多月大的她已懂得扶着東西站起來,不過他坦言有了小朋友要處理的事情變得很多:「都唔敢想像帶兩個小朋友一齊去旅行嗰種『喜悅』,哈哈!一個已經好難頂,兩個都唔知點算。」
身旁Albert即感同身受,笑指為了湊小朋友連朋友也不敢約,因太多「突發事情」發生,每次都令要他遲出門導致遲到,又大爆曾發生過小朋友走失事件:「佢哋幾歲嗰陣帶佢哋去主題樂園,因為當時畀啲孖仔裝佢哋着,佢哋跑來跑去,原本以為細仔喺度,後尾先發現原來係大仔嚟,細仔走失咗。」幸好有遊客發現細仔,並找職員幫忙,才得以尋回細仔,他笑指自始不再給他們着「孖仔裝」。Tony就指自己很緊張,更自稱嚴父,每次跟囡囡出街都會𥄫到實,太太梁諾妍也忍不住不時提醒他放鬆一點:「唔知睇到幾多歲呢,睇到好多外國拐子佬拐走細路嘅片,睇到我心都驚,每次工人姐姐帶個女出去,我又打電話又傳短訊問實。」他笑指家傭可能會投訴「阿Sir好煩」。
至於兩位美女主持主要負責外景,問到拍攝時有否驚險難忘事件?Nicole指當中有一幕要示範如何可安全行過石澗,因世界各地也經常發生遊人不慎被水流沖走事故。至於Juliana就表示節目中會重演一些驚險事故,令她印象難忘:「節目組搵咗條片,係個女仔喺3樓跌落嚟,樓下有個男人接住,但都係雙雙倒地。」她笑指不用親身示範,會以沙包代替從高處掉落地面模擬情境。問到為何只有女主持出外景?兩位男主持則安坐直播室嘆冷氣?她們搞笑指自己外表看來較為活潑適合外景,相反兩位男主持看起來會比較僵硬。