MIRROR搞生意再出事　Lokman餐廳疑執笠放盤

MIRROR成員進軍飲食界，但名人效應始終都不敵結業潮，Jeremy、Jer及AK等人的餐廳都先後結業，而MIRROR隊長Lokman、王智德（Alton）及ERROR成員何啟華（Dee）去年投資7位數開設的泰菜餐廳，近日亦爆出疑似做唔住要執笠。今年5月起，有地產經紀在網上登放租廣告，指有「旺角平台餐廳頂手」、「現有泰式餐廳」，雖未有開名，但附上的照片所見，店舖裝修與Lokman的泰菜餐廳一模一樣，該經紀連月來登過幾10次廣告，租金由最初的$128,000減至$118,000，減去1萬元但仍無人問津。不過Lokman的餐廳社交平台最近仍有更新，似乎在成功頂讓前仍會繼續營運。