楊千嬅突襲動漫節　自爆想做「小忌廉」

藝人楊千嬅於6月完成上海巡唱後便休息，與家人到歐洲旅遊充電，返港後繼續四圍去，日前就帶埋兒子Torres及親戚到動漫節，喬裝打扮的千嬅戴上Cap帽及口罩，未有因為身份被厚待，一樣與普羅大眾齊齊排隊入場，首次到動漫節的千嬅未入場先興奮:「好緊張呀，咁大個人第一次嚟，好好玩呀，早知我都整個啦！我一定扮小忌廉，紫色，我已經想入去買件嘢嚟試吓！」

進場後的千嬅更化身粉絲，拿起手機於場內四圍影，笑指此行是孩子帶給她的快樂，令她可以重拾兒時回憶，不過身為廿四孝母親的千嬅，也有先陪兒子買心儀東西，及後才為自己搜羅物品，結果她買下動畫Figure公仔、《老夫子》漫畫及一埋紫色物件，數量之多要出動大紙袋包裝，滿載而歸。