「籃神」羅天宇鍊贏球星 開口讚陳懿德主持奧運好叻
2024年08月12日 18:02
東網電視
更多新聞短片
![](/hk/bkn/cnt/entertainment/20240812/photo/bkn-20240812180238376-0812_00862_001_01p.jpg?20240812165922)
TVB「籃」神羅天宇,日前與香港球星蘇志樂、韓天次、楊文綱和吳嘉軒等現身籃球比賽活動,為一眾參加者打氣及進行表演賽,近日忙於在內地拍攝劇集《金式森林》的羅天宇,為了投入運動熱潮,特意從內地趕來參加活動,與同場球星高手過招,更與其中一名比賽冠軍羅天朗合力聯手,與韓天次較量,最終勝出比賽,將全場氣氛推到最高!
天宇坦言非常興奮能與多位球星同場,表示亦有留意奧運消息:「因為身在內地拍劇,所以其實完全睇唔到比賽,不過張家朗同何詩蓓拎獎牌我都有留意。」談到早前奧運,男子籃球金牌爭奪戰,天宇坦言為工作關係,錯失觀看直播機會:「我朝早都係由深圳趕嚟活動,所以我冇睇到,都係起身同化妝嗰陣睇番賽事精華。我自己本身好鍾意勒邦占士(LeBron James)同史堤芬居里(Stephen Curry),佢兩個真係好勁。」談到與小朋友強強聯手,他讚賞對方技術了得,小小年紀已經非常熱愛籃球。
天宇又透露尚有一星期便拍攝完畢,在內地開設雞蛋仔生意的他,表示希望將雞蛋仔帶到劇組萬歲,但可惜未能成事:「我直頭好想喺現場整雞蛋仔畀佢哋食,但可惜唔可以整污糟啲地方,所以今次未能成事。(依家生意點?)依家已經有八間分店,八間都喺深圳,都想準備得好啲,去其他地方開分店。」而講到其緋聞女友陳懿德連踩10日直播主持大獲好評,他表示亦有留意相關報道,並大讚對方勤力:「佢真係好叻,又勤力,見到啲報道係鋪天蓋地。(有冇叫佢加油?)私下就冇,可能都會喺社交網留言畀佢,見佢訪問人又幾好,做《福祿壽訓練學院》又做得唔錯。」
至於四位香港籃球運動員蘇志樂、韓天次、楊文綱和吳嘉軒,異口同聲表示首次在商場打籃球,氣氛非常良好,因為觀眾能夠近距離接觸,並嘆現時的小學生籃球技術高超。吳嘉軒讚賞比賽者實力非凡,笑言與當年的自己技術差不多。而蘇志樂則坦言當年很遲才接觸籃球,故覺得在場的小學生比自己當年更強勁。楊文綱寄語現時的小學生比自己當年幸福,因為訓練班及資源多了,希望小學生可以找緊機會,努力學習及進步。