何雁詩捱夜做奧運評述　食唔停體重達人生高峰

藝人何雁詩為HOYTV擔任奧運評述，於今早完成奧運工作時，心情仍然興奮，她說：「我本身都係好鍾意睇體育盛事，就算係坐喺屋企都會睇嘅，今次可以喺廠到同觀眾一齊欣賞，最大得着當然係可以睇到我哋香港運動員有咁好嘅成績啦！我亦都喺其他評述員身上學到好多嘢，希望下一次再有機會做評述啦！」更預告稍後工作忙碌，既有唱歌及體育主持工作，努力為兒子的「奶粉錢」進發。

談到早前於社交平台分享做Gym相片，被大讚身材Fit爆，不過她卻否認：「梗係唔係，睇奧運要捱夜，我就會不斷食嘢，搞到體重登上人生嘅高峰，差唔多去番生完仔嗰個Level，依家真係要的起心肝減肥，呢排都見唔到老公，佢忙住做舞台劇，見面嘅時間真係唔多，所以之後要去支持吓佢嘅舞台劇。」