娛圈單打︱揪贏全世界正常 咁都揪唔贏至奇
2024年08月13日 00:01
東網電視
更多新聞短片
![](/hk/bkn/cnt/entertainment/20240813/photo/bkn-20240813000107952-0813_00862_001_01p.jpg?20240813081921)
在全球一片爭議聲中,中華台北「女」拳手林郁婷、阿爾及利亞「女」拳手卡莉芙毫不意外地,在奧運決賽其所屬體重級別揪贏全世界奪金。台灣及西方左膠媒體隨即以「她們用實力說話」等標題歡呼祝賀,強調兩位「女將」實至名歸喎。
喂,佢哋兩位「骨格精奇」、「女生男相」、「Man過你老竇」,咁都揪唔贏對手至奇啦,所謂用實力說話,根本無法自圓其說,更無法釋除外界疑慮。網壇傳奇女將「女金剛」娜華蒂露娃(Martina Navratilova)就無懼左膠施壓再度開炮,認為林郁婷的勝利是男性與女性競爭後的結果,批評林郁婷「卑鄙、危險」。至於卡莉芙決賽對中國楊柳,後者被「她」打得毫無招架之力,只能頻頻以攬實對方示意唔好再打,真係睇見都覺得陰功!
事實上,國際拳總(IBA)因「性別檢測」異常為由,早在去年拳擊世錦賽後已取消兩位「女將」資格,主席揚言「唔會睇拳手兩腿之間有甚麼」,而係根據檢測結果、他們帶有男性染色體而作出DQ決定,結果「講真話」又惹來西方左膠輿論狠批為語無倫次。本欄就覺得,語無倫次係西方左膠囉,搵兩張穿上裙仔的童年照,就話證明兩位拳手自細已經係女仔,哈!咁一個女仔自細剪短頭髮又着褲,係咪可以證明佢係一個男仔?
當然,最兒戲都係國際奧委會,運動員性別只以護照為準,即係講個信字。《哈利波特》作者J.K.羅林講得啱㗎,係咪要見到有女拳手被打死先至開心?咁樣攞金牌係咪勝之不武,大家心中有數啦。