大S係機心女？前奶奶張蘭嬲爆：佢騙婚倒追汪小菲

汪小菲同大S（徐熙媛）離婚後，2人是非不斷兼官司纏身，不過戀愛腦嘅汪小菲未有因此對愛情絕望，反而喺今年5月高調透露同台灣網紅Mandy（馬曉梅）登記結婚，而對新新抱相當滿意嘅張蘭，更不時透過社交網炫耀自己同新新抱嘅深厚感情。然而，日前就有網友發現，張蘭再次喺社交網提到汪小菲前妻大S，甚至怒指對方係「騙婚」，指大S當年主動追求汪小菲外，仲利用10年時間賺財產，直言大S係機心女。

隨着張蘭出位言論曝光，引嚟唔少網友留言道：「攤上你一家真是倒了大霉！」、「你也是沒下限了。」紛紛指摘張蘭人品差，事實上早前張蘭更一直強調係大S出軌在先，令唔少網友忍唔住狠批張蘭為咗粉熱度，乜都做得出。