波波腳傷冇街出飲奶補鈣　晒露背相派福利Keep住人氣

26歲「TVB咪神」黃婧靈（波波）近日發生扭親右腳前腳掌位置，現時在家中休養的她，

相信將有一段時間要被迫變文靜，但她日前拍攝了一輯靚相，穿上彩藍色短裙，特別醒神，她接受訪問時表示說：「呢條裙我專登揀嚟着，因為我好少着露背裝。」不過斷猜估粉絲較愛看她着低胸裝，因為天時暑熱，人人都想眼睛食冰淇淋。

她又透露傷勢，指腳有骨裂，現時除返公司拍攝外，已盡量減少出街：「因為想快啲好番，唔想再影響工作，我都有聽話戒口，用冰敷傷口，同飲奶補鈣。（幾時好番？）大約一個月。」

雖然現行動不便，但波波拒在家人做「廢青」，不停睇戲為演技增值，她說：「我冇浪費時間，港產片、西片、韓劇乜都睇，七夕嗰日我就睇咗《不日成婚》，回味吓咁囉。」波波又指每日沖涼現變成人生一大考驗，因為要講求意志及平衡力：「我自己都沖到涼嘅，不過要坐喺度，同埋速度慢咗好多囉，平時10秒可以行完嘅路，依家就要分幾、兩分鐘囉，因為要就住個傷口位。」