陳展鵬荷里活迎接下屆奧運　單文柔陪做運動養眼搶Fo

視帝陳展鵬正於美國登台，熱愛運動的他出埠也不忘鍛煉，更帶埋同行的老婆單文柔一齊操，單文柔網晒兩公婆做運動的片段，並留言笑指：「到美國都要督促我做運動。佢話想開show之前做個運動先，跟住就話唔係唔陪佢嘛？講到呢句...咁...我......」片中見2人逐級逐級跳上樓梯，以桃紅色Sports Bra上陣的單文柔，上圍不停上下晃動，好身材盡現眼前，非常吸睛。

而緊貼奧運熱潮的展鵬，見到日前閉幕禮湯告魯斯空降，以及荷里活告示牌變成五環標誌一幕，即去到荷里活山朝聖預演奧運，結果不見奧運五環，大嘆失望：「巴黎奧運圓滿閉幕，見到Tom Cruise 最後嗰幕，真係好型，好似拍緊戲咁，所以今日專程過去荷里活影張相，希望可以影到荷里活五環，結果係好乾淨，乾淨到同我心境一樣，只可以講依家啲Animation真係好犀利。點都好，預祝下一屆奧運更精彩。」