邵初狠心剪走8吋長髮 豪言剃光頭都接受到
2024年08月13日 15:37
東網電視
更多新聞短片
![](/hk/bkn/cnt/entertainment/20240813/photo/bkn-20240813153732088-0813_00862_001_01p.jpg?20240813155708)
藝人滕麗名、呂慧儀、湯盈盈、邵初、張景淳及古佩玲等今日(13日)齊集將軍澳電視城,為無綫處境劇《愛.回家之開心速遞》宣傳,眾人大玩遊戲比試大家的運動細胞。
湯盈盈透露早前撇低老公錢嘉樂帶埋囡囡回加拿大探親:「去咗個半月,因為媽咪大屋搬細屋要幫手。(老公呢?)佢留喺屋企照顧19隻雀仔,不過佢日日Send啲舊相畀我,掛住我哋喎,我只係畀個心心覆佢,哈哈!」談到近日運動熱潮,問到囡囡可有運動細胞?她指兩位囡囡都喜愛游泳,不過不愛接受訓練。呂慧儀則表示囝囝熱愛游泳並很有天賦:「每星期上5日堂,亦試過參加分齡賽攞到冠軍,我都會繼續畀囝囝參加。」她笑指囝囝自游水後肚腩開始變細,但囝囝卻表示無意再減:「佢話有肚腩都贏到,唔使減啦!」問到她為何看似身形變漲,她笑指是根據劇情要變肥,她解釋:「其實係阿仔放暑假,日日喺屋企陪佢食嘢,所以重咗10磅。(如果劇本寫你大肚呢?)咁就要諗辦法,哈哈!」另談到她日前跟陳法拉飯聚,她指對方有帶同細仔返港,不過未有帶他出席飯局。
至於首次參演處境劇的邵初,為了演出狠心將留了多年的一頭長髮剪短8吋,她說:「初時都唔捨得,但作為演員如果角色需要就無所謂,如果將來演病人剃光頭都接受到。」她坦言演處境劇跟正劇很大分別,近日亦有上戲劇班及看相關書籍,非常勤奮,又感謝一班大前輩的照顧:「羅樂林叫我唔使咁緊張,最緊要留意節奏,林淑敏會教我化妝,點樣可又化得精神啲同適合角色。」
提到她早前以師姐身份,與江美儀帶領3位候選港姐1號陳紫佟(Jessie)、13號程姜月(Dolores) 及10號吳芷靖(Clary)到新加坡拍外景。她大讚3位師妹在短時間內已有很大進步:「知道佢哋呢段時間好辛苦又大壓力,拍嗰陣大家都忍唔住喊。」她指江美儀像嚴母一樣,很用心教導佳麗,自己則似朋友般跟她們溝通,又指自己未有以泳裝出鏡,要留給師妹們發揮。