詹天文臨時放棄美國學位　自爆原來連機票都買定

「聲夢小花」詹天文（Windy)今日（13號）到新城接受訪問，透露月底便起程往廣州讀書，不過臨行前先一個人到洛杉磯旅行，她說：「其實之前打算去美國讀書，所以訂咗機票，但依家決定返內地讀書，既然訂咗機票就唔好嘥咗佢，去洛杉磯玩一個禮拜當散心。（會影泳裝派福利？）唔會啦，因為覺得自己好肥，着背心短褲影相啦。」

她又說已開始為往廣州讀書而執行李，但行裝不會太多，必帶是她每晚都需要的抱枕，還有內衣褲及護膚品，她說：「啲衫同其他嘢去到先買啦，我會住6人宿舍先，如果同人唔夾就自己搬開住 ，學習獨立生活。」她又謂不會主動跟同學說自己是歌手，除覺得自爆很奇怪外，亦想以一個普通學生身份展開大學生活。

雖然廣州和香港交通方便，但她會視乎是否有工作需要才返港，她謂：「如果冇工作都會留喺廣州，想多啲時間讀書，不過就算人唔喺香港都會Keep住開Live同啲粉絲互動。」