高海寧茹素有原因　點知有日想食叉燒點算

藝人高海寧（高Ling）與蔡景行（行仔）最近為TVB Plus節目《美食新聞報道》擔任嘉賓，曾是素食者的高Ling試食了多間素菜餐廳，講到茹素原因，高Ling透露因有段時期個人比較混亂，很多事想不通︰「迷茫到唔知點算，我需要求助一啲嘢，試吓食素食咗之後發覺個心冇咁慌張，會平靜番落嚟，嗰人定好多。」不過，她到近年已經重新開始吃葷，她解釋︰「有一日忽然好想食叉燒，身邊朋友問我到底為咗乜嘢去食素呢？諗諗吓其實冇㗎，無限定時間，純粹覺得嗰下我需要，我就食，呢一刻我覺得好番，所以食番肉。」她認為食素是一種生活態度，想清理一下細胞的人，可以嘗試。

另外，期間高Ling笑言跟行仔食飯感覺好像帶了親弟弟一樣：「因為佢又好鍾意食肉，我當然尊重佢。我成日同佢講你人生都未開始，可以試唔同嘅嘢，鍾意做乜都得，你去試啦。後生可以有好多犯錯機會，重新嚟過。你唔使養家，有我喺度。」行仔對此非常認同︰「家人都係咁同我講，所以我依家先坐咗喺度。」