江若琳時隔7年再殺入樂壇 心情既迷惘又陌生
2024年08月14日 20:01
東網電視
更多新聞短片
![](/hk/bkn/cnt/entertainment/20240814/photo/bkn-20240814200128283-0814_00862_001_01p.jpg?20240814224646)
36歲江若琳(Elanne)自下嫁「生煎包王」蕭唯展(Oscar),再誕下可愛兒子Owen,轉型做貓酒店生意後,幕前工作明顯減產,不過仍有歌手夢的她,相隔7年再重投樂壇即將推出全新廣東歌《一直留在心底的事》, 圈中好友謝安琪、連詩雅、何雁詩及其老公鄭俊弘等留言支持。
日前她在社交網上載入錄音室及跟音樂人Cousin Fung 的合照,分享重拾歌手夢的喜悅,她說:「仲記得係今年年初揀好Demo 之後,下一步就搵一個能夠幫我搵到一直留在我心底嘅聲音嘅監製,而Cousin Fung係我好欣賞嘅音樂人,佢問我第一個問題係『點解你會想唱番歌呢』,佢仲同我講要我放低所有以往嘅包袱 ,所有保護嘅盔甲 。」
Elanne又指再踏入錄音室,心情迷惘又陌生,但過程相當奇妙,皆因Cousin跟她說唱歌能去打動人並非靠技巧,亦不是靠哭腔賣煽情,而是純粹講故事的能量,所以叫她幻想世界是紫色。」雖然覺得Cousin的說話很玄,但又感謝他跟她齊癲,又成為她的明燈,她謂:「佢陪我搵番我把聲音嘅鎖匙,遇到樽頸位時,佢會帶我出去工業大廈𨋢口,同我一齊唱副歌搵感覺,成件事好正!多謝。」
而其「愛妻號」老公亦送上最有力量的支持,就是到錄音的最後一天,Oscar送上超級驚喜,她說:「帶咗我嘅小歌迷嚟聽我錄音,而我一直都唔知道佢喺度,原來小歌迷一直喺出面專心去聽歌 ,完全無扭計!錄完呢首歌一見到我嘅家人, 見到佢哋嚟支持我做呢件事,真係好感動,因為一切來得不易,好珍惜好感恩。」她口中的小歌迷,當然是她的寶貝仔Owen。